نادرا نے 5 دن میں 6 لاکھ 50 ہزار شہریوں کو ووٹنگ کا اہل بنا دیا
نیشنل ڈیٹا بیس اینڈ رجسٹریشن اتھارٹی (نادرا) کا کہنا ہے کہ گزشتہ 5 دنوں میں ساڑھے 6 لاکھ شناختی کارڈز پرنٹ کئے گئے ہیں جس کے بعد ووٹرز کی تعداد میں مزید اضافہ ہوگیا ہے۔
ترجمان نادرا کا کہنا تھا کہ کوریئر کمپنی نے 5 لاکھ 85 ہزار کارڈز سینٹرز پر پہنچا دیے ہیں۔
ان کا کہنا تھا کہ 5 دن میں 3 لاکھ شہریوں کو ان کے شناختی کارڈز مل چکے ہیں اور تقریباً 3 لاکھ شناختی کارڈز نادرا سینٹرز میں موجود ہیں۔
ترجمان نادرا کے مطابق کارڈ پرنٹنگ کا عمل 24 گھنٹے کی بنیاد پر جاری رہا جبکہ نادرا دفاتر رات 9 بجے تک کارڈز فراہم کرنے کے لیے کھلے رہیں گے۔
انھوں نے کہا کہ نادرا دفاتر 25 جولائی کو دن 2 بجے تک بھی کھلے رہیں گے تاکہ شہری اپنا شناختی کارڈ حاصل کرکے ووٹ ڈال سکیں۔
رپورٹ: شکیل قرار
لائیو ٹی وی