’شاہد خاقان عباسی وزیراعظم بن کر بھی بنیادی سہولیات مہیا نہیں کر سکے’
مری کے علاقے کوہٹی کاکڑائی میں انتخابی مہم کے دوران سابق وزیر اعظم شاہد خاقان عباسی کے قافلے پر مقامی لوگوں کے پتھراؤ سے ایک شخص زخمی ہو گیا۔
مقامی افراد کی شدید نعرے بازی کی وجہ سے کارنر میٹنگ کو ختم کرنا پڑا۔
علاقہ مکینوں کا کہنا تھا کہ شاہد خاقان عباسی، وزیر اعظم بن کر بھی ہمیں بنیادی سہولیات مہیا نہیں کر سکے، انہیں 6 بار عوام نے علاقے کی تعمیر و ترقی کے لیے منتخب کیا لیکن اہل علاقہ اب تک پتھر کی زندگی گزار رہے ہیں۔
صورتحال کشیدہ ہونے پر پولیس کی بھاری نفری موقع پر پہنچ گئی اور سابق وزیر اعظم کو بحفاظت وہاں سے نکال کر محفوظ مقام پر پہنچا دیا گیا۔
رپورٹ: حنیف خان ترک
لائیو ٹی وی