تحریک انصاف کے امیدوار اثاثے چھپانے پر نا اہل قرار
سپریم کورٹ نے سندھ اسمبلی کے حلقے پی ایس 16 سے پاکستان تحریک انصاف (پی ٹی آئی) کے امیدوار محمد علی کو انتخابی دوڑ سے باہر کر دیا۔
اس سے قبل تحریک انصاف کے امیدوار کو ٹربیونل نے بھی اثاثے نہ بتانے پر نا اہل قرار دیا تھا۔
محمد علی کی ٹربیونل کے فیصلے کے خلاف درخواست پر سپریم کورٹ میں جسٹس عظمت سعید شیخ کہ کی سربراہی میں دو رکنی بینچ نے کیس کی سماعت کی۔
عدالت کا کہنا تھا کہ قمبر شہداد کوٹ کے صوبائی حلقے سے امیدوار نے ایک بینک اکاؤنٹ ظاھر نہیں کیا تھا جس پر درخواست گزار کا کہنا تھا کہ وہ بیماری کی وجہ سے بینک اکاؤنٹ کی تفصیلات وقت پر نہ دے سکے تھے۔
ان کا کہنا تھا کہ19 جولائی کو سکروٹنی سےایک دن پہلے بینک سٹیمنٹ جمع کرائی تھی تاہم وہ وقت پر ظاہر نہیں ہوئی۔
جسٹس عظمت سعید کا کہنا تھا کہ عدالت اثاثے چھپانے پر فیصلے دے چکی ہے۔
لائیو ٹی وی