خضدار:مسلم لیگ (ن)، بلوچستان عوامی پارٹی کے درمیان انتخابی اتحاد
بلوچستان میں خضدارکی ایک قومی اور صوبائی اسمبلی کی 2 نشستوں پر پاکستان مسلم لیگ (ن) اور بلوچستان عوامی پارٹی (بی اے پی) کے درمیان سیٹ ایڈجسٹمنٹ ہو گیا۔
انتخابی اتحاد کے تحت این اے 269 میں میر خالد بزنجو، پی بی 38 میں نواب ثنا اللہ زہری اور پی بی 39 خضدار نال سے آغا شکیل احمد درانی دونوں جماعتوں کے مشترکہ امیدوار ہوں گے۔
مشترکہ پریس کانفرنس میں دونوں جماعتوں کے رہنماؤں نے کہا کہ حلقہ این اے269 خضدار سے پاکستان مسلم لیگ (ن)کے امیدوار میر عبدالرحمن زہری ، بی اے پی کے امیدوار میر خالد بزنجو کے حق میں دستبردار ہو گئے ہیں۔
پاکستان مسلم لیگ ن کے امیدوار سابق وزیر اعلیٰ نواب ثنا اللہ خان زہری کے حق میں صوبائی اسمبلی کے حلقہ بی پی 38 سے بی اے پی کے نامزد امیدوار میر گل خان ساسولی دستبردار ہوگئے ہیں۔
بلوچستان اسمبلی کے ایک اور حلقہ پی بی 39 سے پاکستان مسلم لیگ ن کے امیدوار میر عبدالرحمن زہری نے بلوچستان عوامی پارٹی کے امیدوار آغا شکیل احمد درانی کے حق میں دستبردار ہونے کا اعلان کیا۔
اس موقع پر رہنماؤں کا کہنا تھا کہ علاقے سے پسماندگی کے خاتمے اور ملکی مفادات کی خاطر یہ انتخابی اتحاد قائم ہوا ہے۔
لائیو ٹی وی