نواز شریف کی گرفتاری پر افسوس ہے، چوہدری نثار کا اڈیالہ میں تقریر
راولپنڈی: سابق وفاقی وزیر داخلہ اور پاکستان مسلم لیگ (ن) کے ناراض رہنما چوہدری نثار نے اڈیالہ میں کارنر میٹنگ سے خطاب کرتے ہوئے سابق وزیر اعظم نواز شریف اور ان کی صاحبزادی مریم نواز کی گرفتاری پر افسوس کا اظہار کیا۔
چوہدری نثار نے نواز شریف کی گرفتاری پر تبصرہ کرتے ہوئے کہا کہ نواز شریف کو اڈیالہ جیل پہنچانے کی خبر آئی ہے، مسلم لیگ سے 34 سال کا تعلق ہے، مجھے آج افسوس ہو رہا ہے۔
ان کا کہنا تھا کہ ’12 سے 14 افراد نے مسلم لیگ (ن) بنائی تھی تاہم مسلم لیگ (ن) بنانے والے افراد نواز شریف سے الگ ہو گئے لیکن صرف میں نواز شریف کے ساتھ کھڑا رہا‘۔
انہوں نے کہا کہ ’آج کے دن سے بچنے کے لیے نواز شریف کو فوج اور عدلیہ سے لڑائی نہ کرنے کا مشورہ دیا تھا‘۔
سابق وزیر داخلہ کا کہنا تھا کہ’ اللہ تعالیٰ کسی دشمن کو بھی اڈیالہ جیل نہ دکھائے، قوم فیصلہ کرے کہ کیا نواز شریف کو غلط مشورہ دیا تھا‘۔
لائیو ٹی وی