ملک میں عام انتخابات کے دوران فیس بک پر جعلی خبریں پھیلنے کا امکان
فیس بک نے اس بات کا خدشہ پہلے ہی ظاہر کیا تھا کہ 2018 میں پاکستان میں ہونے والے عام انتخابات کے دوران جعلی خبریں پھیلنے کا امکان ہے، تاہم ساتھ ہی ویب سائٹ نے اس عزم کا اعادہ بھی کیا تھا کہ وہ جعلی خبروں کے پھیلاؤ کی کوششوں کو ناکام بنادے گی۔
اب اس ضمن میں فیس بک نے اہم اقدامات اٹھائے ہیں اور اس بات کو یقینی بنانے کی کوشش کی ہے کہ عام انتخابات کے دوران جعلی خبریں نہ پھیلیں۔
فیس بک نے پاکستان میں انتخابات کے دوران جعلی خبروں کے پھیلاؤ کو روکنے کے لیے اقدامات اٹھاتے ہوئے الیکشن کمیشن آف پاکستان (ای سی پی) اور ایک عالمی خبر رساں ادارے کے اشتراک سے اقدامات کا آغاز کردیا، جس کے تحت سنسنی پر مبنی خبروں کی ویب سائٹ پر حوصل شکنی کی جائے گی۔
منصوبے کے تحت فیس بک پاکستان کے صارفین سے پھیلنے والی خبروں سے متعلق سروے کرکے یہ معلوم کرنے کی کوشش کرے گا کہ کون سی خبریں درست ہیں اور کس خبر میں کتنی سنسنی ہے؟
ساتھ ہی عالمی خبر رساں ادارہ بھی فیس بک کو پھیلنے والی خبر سے متعلق آگاہ کرے گا کہ وائرل ہونے والی خبر جعلی ہے یا درست۔
اسی طرح فیس بک کا خودکار نظام بھی پاکستان میں عام انتخابات کے دوران سیاسی تناظر میں پھیلنے والی خبروں کی نگرانی کرے گا۔
فیس بک پر جعلی خبروں کی حوصلہ شکنی کے لیے ویب سائٹ نے اپنے صارفین کو ہدایت کی ہے کہ وہ نظر آنے والی خبروں پر خاص نظر رکھیں، کیوں کہ کئی ایسے جعلی ادارے بھی ہیں، جو دوسرے معروف اور بہتر ساکھ رکھنے والے صحافتی اداروں کا نام استعمال کرکے سنسنی پر مبنی خبریں پھیلاتے ہیں۔
اس حوالے سے فیس بک کی مزید ہدایات پڑھیں:
لائیو ٹی وی