پی ٹی آئی بلوچستان کے صدر انتخابات کے لیے اہل قرار
سپریم کورٹ نے تحریک انصاف بلوچستان کے صدر سردار یار محمد رند کو نااہل قراردینے کے حوالے سے اپیلیٹ ٹریبونل کا فیصلہ معطل کر تے ہوئے انہیں الیکشن لڑنے کی اجازت دیدی ہے۔
عدالت نے فریقین کو نوٹسز جاری کرتے ہوئے کیس کی مزید سماعت ملتوی کردی ہے۔
چیف جسٹس میاں ثاقب نثار کی سربراہی میں تین رکنی بینچ نے بلوچستان سے پاکستان تحریک انصاف کے رہنما یار محمد رند کی نااہلی کیخلاف دائر اپیل کی سماعت کی۔
سماعت کے دوران یار محمد رند کے وکیل نے مو قف اپنایا کہ میرے موکل کے کاغذات نا مزدگی میں مدرسے کی ڈگری اور ایف آئی آر کا ذکر نہ ہونے پر کاغذات نامزدگی مسترد کئے گئے۔
ان کا کہنا تھا کہ پی ٹی آئی بلوچستان کے صدر نے 2018 ء کے انتخابات میں مدرسے کی ڈگری اس لئے ظاہر نہیں کی کیونکہ مدرسے کی ڈگری ایچ ای سی کی تسلیم شدہ نہیں تھی۔
خیال رہے کہ ایپلٹ ٹربیونل نے یار محمد رند کے کاغذات نامزدگی کو جعلی ڈگری جمع کرانے، قتل اور اغوا کی کئی ایف آئی آر میں نامزد ہونے کی وجہ سے مسترد کیا تھا۔
متعلقہ خبر کے لیے اس لنک پر کلک کریں
لائیو ٹی وی