آزاد حیثیت میں لڑنے کے فیصلے سے قیادت کوآگاہ کیا، شیرعلی گورچانی
مسلم لیگ ن کا ٹکٹ واپس کرکے جیپ کے نشان پر الیکشن لڑنے والے سابق صوبائی ڈپٹی اسپیکر شیر علی گورچانی نے کہا ہے کہ الیکشن جیت کر اپنی سیٹ نواز شریف کے قدموں میں رکھ دوں گا۔
شیر علی گورچانی کا کہنا تھا کہ راجن پور میں مسلم لیگ ن کی بنیاد ہمارے خاندان نے رکھی ہے، ہماری قربانیاں اس جماعت کے لیے بہت ذیادہ ہیں اور ہماری رگوں میں مسلم لیگ شامل ہے۔
انھوں نے کہا کہ چند علما کرام ہمارے پاس آئے اور کہا کہ ختم نبوت کی وجہ سے کچھ واضح نہیں ہو سکا اس لیے آپ آزاد نشان سے انتخاب لڑیں گے تو ہم بھرپور حمایت کریں گے۔
گورچانی نے کہا کہ اللہ نے کامیابی دی تومسلم لیگ ن حکومت میں ہو یا اپوزیشن میں یہ سیٹ جا کر میاں نواز شریف اور شہباز شریف کے قدموں میں رکھ دیں گے۔
اس سے قبل صوبائی اسمبلی کے حلقہ پی پی 295 سے اطہر گورچانی نے بھی مسلم لیگ ن کا ٹکٹ واپس کرنے کا اعلان کیا تھا۔
تفصیلی خبر یہاں پڑھیں۔
رپورٹ: کنور فہیم
لائیو ٹی وی