پاکستان میں قبل از انتخابات دھاندلی کا سلسلہ چل پڑا ہے، نواز شریف
سابق وزیراعظم اور پاکستان مسلم لیگ ن کے قائد نواز شریف نے جلد وطن واپسی کا عندیہ دیتے ہوئے کہا ہے کہ پاکستان میں قبل از انتخابات دھاندلی کا سلسلہ چل پڑا ہے لیکن ہم میدان چھوڑ کر بھاگنے والے لوگ نہیں، بھرپور مقابلہ کریں گے۔
لندن میں میڈیا سے گفتگو کرتے ہوئے نوازشریف نے کہا کہ ہمارے لوگوں سے کہا گیا ہے کہ آپ پارٹی چھوڑ دیں اور بہت سے لوگوں سے پارٹی بدلوائی بھی گئی ہے۔
انھوں نے کہا کہ پاکستان میں قبل از انتخابات دھاندلی کا سلسلہ چل پڑا ہے، یہ ایک بہت خطرناک کھیل ہے اور ایسا کرنےوالے ملک سے زیادتی کررہے ہیں۔
قائد مسلم لیگ ن نے کہا کہ ہم میدان چھوڑ کر بھاگنے والے لوگ نہیں ہیں بلکہ میدان میں کھڑے ہو کر مقابلہ کرنے والے لوگ ہیں اور دھاندلی کا بھرپور مقابلہ کریں گے اس سلسلے میں پارٹی صدر کو ہدایت کر دی ہے۔
ان کا کہنا تھا کہ پاکستانی سیاست کو کسی اور رخ پر لے جانے والے ناکام ہوں گے۔
خبر کی تفصیل یہاں پڑھیں۔
لائیو ٹی وی