عام انتخابات کا پہلا نتیجہ، پیپلز پارٹی کے امیدوار بلامقابلہ کامیاب
الیکشن کمیشن پاکستان ( ای سی پی ) کے ریٹرننگ افسر نے انتخابات 2018 کے انعقاد سے قبل ہی پہلے نتیجے کا اعلان کردیا، جس کے تحت پاکستان پیپپلز پارٹی پارلیمینٹرین کے پی ایس 6 کشمور 3 سندھ سے امیدوار میر شبیر علی بجارانی بلامقابلہ کامیاب ہوگئے ہیں۔
خیال رہے کہ گزشتہ دنوں پیپلز پارٹی سے اختلاف کے بعد میر شبیر بجارانی نے پارٹی کو خیر باد کہ گرینڈ ڈیموکریٹک الائنس میں شمولیت اختیار کرلی تھی۔
تاہم گزشتہ روز وہ پیپلز پارٹی میں واپس آئے تھے اور پیپلز پارٹی کے چیئرمین بلاول بھٹو زرداری اور شریک چیئرمین آصف علی زرداری سے ملاقات کی تھی۔
اس کے علاوہ بلاول بھٹو کی جانب سے پیپلزپارٹی کے انتخابی منشور کے اعلان کے موقع پر کی جانے والی پریس کانفرنس میں بھی موجود تھے۔
علاوہ ازیں انہوں نے آج ( 29 جون) کو پیپلز پارٹی پارلیمنٹیرین کا ٹکٹ جمع کرادیا تھا، جس کے بعد ان کی کامیابی کا نوٹیفکیشن جاری کیا گیا۔
خبر کی مزید تفصیل یہاں پڑھیں
رپورٹ: امتیاز مغیری
لائیو ٹی وی