انتخابات 2018: بیورو کریسی میں اکھاڑ پچھاڑ، چیئرمین ایف بی آر بھی تبدیل
اسلام آباد: نگراں حکومت کی جانب سے فیڈرل بورڈ آف ریونیو (ایف بی آر )، اسٹیبلشمنٹ ڈویژن اینڈ انفارمیشن اور داخلہ کی وزارتوں میں اعلیٰ بیوروکریٹس تبدیل کردیے گئے۔
خیال رہے کہ پاکستان مسلم لیگ (ن) کے 5 سالہ دور حکومت میں وفاقی کابینہ میں اپنے منظورِ نظر لوگوں کو تعینات کیا گیا تھا لیکن نگراں حکومت اعلیٰ بیورو کریسی میں تبدیلی کے معاملے پر ہچکچاہٹ کا شکار نظر آرہی ہے۔
اس حوالے سے 13 جون کو اسٹیبلشمنٹ ڈویژن کی جانب سے وزیراعظم سیکریٹریٹ اور الیکشن کمیشن پاکستان (ای سی پی) کو معمول کے تبادلے اور تقرریوں کے لیے ایک سمری ارسال کی گئی لیکن عبوری حکومت اس معاملے پر مداخلت کرتی نظر آئی۔
تاہم الیکشن کمیشن کے اصرار پر عبوری حکومت کی جانب سے کچھ بیوروکریٹس کو نوٹیفکیشن جاری کیا گیا۔
واضح رہے کہ الیکشن ایکٹ 2017 کے تحت انتخابات کی تاریخ مقرر ہونے کے ساتھ ہی حکومت کو سینئر کیڈرز میں تقرری اور تبادلوں سے متعلق الیکشن کمیشن سے پیشگی منظوری لینا ہوگی۔
خبر کی مکمل تفصیل یہاں پڑھیں
لائیو ٹی وی