شرمین عبید کا عید پر پاکستانی عوام کو تحفہ
پاکستانی ہدایت کار شرمین عبید چنائے نے اس عید پر پاکستانی عوام کو اپنی نئی شارٹ فلم کے ذریعے ہم آہنگی کا خوبصورت پیغام دیا۔
شرمین عبید کے پروڈکشن ہاؤس ایس او سی نے بچوں کے لیے جاری کردہ نئی شارٹ اسٹوریز میں ایک نئی شارٹ فلم ریلیز کی، جس کی کہانی ’خالساباد‘ گاؤں پر مبنی ہے، جہاں 2009 میں مسیحی برادری پر حملہ کیا گیا تھا۔
’خالساباد‘ کی کہانی ایک نوجوان مسلم بچے کی زبانی بتائی گئی جو ایک مسیحی بچے کا دوست ہوتا ہے۔
اس فلم میں مسلم اور مسیحی برادری کے درمیان مضبوط رشتے کو پیش کیا گیا جو کسی دہشت گرد حملے کے بعد بھی ایک دوسرے سے الگ نہیں ہوئے۔
خیال رہے کہ شرمین عبید چنائے کی پروڈکشن کمپنی نے اس سیریز کی پہلی شارٹ فلم عبدالستار ایدھی پر ریلیز کی، جبکہ ایک اور شارٹ فلم میں اعتزاز حسن کی کہانی کو بھی پیش کیا گیا۔
لائیو ٹی وی