مقبوضہ کشمیر: سینئر صحافی شجاعت بخاری فائرنگ سے جاں بحق
مقبوضہ کشمیر میں نامعلوم مسلح ملزمان کی فائرنگ سے سینئر صحافی اور روزنامہ ’رائزنگ کشمیر‘ کے چیف ایڈیٹر شجاعت بخاری جاں بحق ہوگئے۔
کشمیر میڈیا سروس کی رپورٹ کے مطابق شجاعت بخاری پر سری نگر کے پریس ایونیو میں ان کے دفتر کے باہر فائرنگ کی گئی، جس سے ان کے سر اور پیٹ میں متعدد گولیاں لگیں۔
فائرنگ سے شجاعت بخاری کے ڈرائیور اور ذاتی محافظ زخمی ہوئے جنہیں علاج کے لیے ہسپتال منتقل کیا گیا۔
ٹائمز آف انڈیا کی رپورٹ میں کشمیری حکام کا حوالے سے کہا گیا کہ حملے میں شجاعت بخاری کا ایک محافظ بھی جاں بحق جبکہ پولیس اہلکار زخمی ہوا۔
مقبوضہ جموں و کشمیر کی وزیر اعلیٰ محبوبہ مفتی نے سماجی رابطے کی ویب سائٹ پر ٹویٹ کرتے ہوئے واقعے کی مذمت کی اور کہا کہ ’ہمیں امن کی بحالی کی کوششوں کو ناکام بنانے والی طاقتوں کے خلاف ہر صورت متحد ہونا ہوگا، جبکہ شجاعت بخاری کے قاتلوں کو انصاف کے کٹہرے میں لایا جائے گا۔
Terrorism has hit a new low with Shujaat’s killing. That too, on the eve of Eid. We must unite against forces seeking to undermine our attempts to restore peace. Justice will be done. https://t.co/8oCNXan13L
— Mehbooba Mufti (@MehboobaMufti) June 14, 2018
بھارت کے وزیر داخلہ راج ناتھ سنگھ اور مرکزی اپوزیشن جماعت کانگریس کے صدر راہول گاندھی نے بھی شجاعت بخاری کے قتل کی مذمت کی۔
The killing of @RisingKashmir editor, Shujaat Bukhari is an act of cowardice. It is an attempt to silence the saner voices of Kashmir. He was a courageous and fearless journalist. Extremely shocked & pained at his death. My thoughts and prayers are with his bereaved family.
— Rajnath Singh (@rajnathsingh) June 14, 2018
بھارتی فوج کی فائرنگ، 2 کشمیری جاں بحق
دوسری جانب مقبوضہ کشمیر کے ضلع باندی پور میں بھارتی فوج کی فائرنگ سے 2 نوجوان جاں بحق ہوگئے۔
کشمیر میڈیا سروس کی رپورٹ میں کہا گیا کہ بھارتی فوجیوں نے نوجوانوں کو باندی پور کے علاقے پَنار میں جاری عسکری آپریشن کے دوران ہلاک کیا۔
علاقے میں گزشتہ چھ روز سے ملٹری آپریشن جاری ہے۔
بھارتی وزارت دفاع کے ترجمان نے دعویٰ کیا کہ نوجوان ’شدت پسند‘ تھے جو فورسز کے انکاؤنٹر میں جاں بحق ہوئے۔
لائیو ٹی وی