ریاضی ایسا موضوع ہے جو اکثر بچوں کے ساتھ بڑوں کے دماغ بھی ہلا دیتا ہے اور ایسا عام طور پر اس وقت ہوتا ہے جب والدین بچوں کی مدد کرنے کی کوشش کرتے ہیں۔

اب انٹرنیٹ پر ایسا ہی ایک سوال انٹرنیٹ صارفین کے دماغ گھمانے کا باعث بن گیا ہے جو 8 سال کی عمر کے طالبعلموں کے لیے تیار کیا گیا۔

ایک انٹرنیٹ صارف lucysmam نے اس سوال کو انٹرنیٹ پر شیئر کیا تاکہ وہ اپنی بیٹی کے ریاضی کے ہوم ورک میں مدد کرسکے۔

مزید پڑھیں : ریاضی کا وہ سوال جس نے پوری دنیا کو گنگ کردیا

انہوں نے لکھا کہ کیا کوئی ان کی مددد کرسکتا ہے کیونکہ اس سوال نے انہیں الجھن کا شکار کردیا ہے۔

اس سوال کا ترجمہ کچھ اس طرح ہے

ایک ساحل پر 3 لائٹ ہاﺅسز ہیں۔

پہلا لائٹ ہاﺅس 3 سیکنڈ تک چمکتا اور پھر 3 سیکنڈ کے لیے بند ہوجاتا۔

دوسرا لائٹ ہاﺅس 4 سیکنڈ تک چمکتا اور پھر 4 سیکنڈ کے لیے بند ہوجاتا۔

تیسرا لائٹ ہاﺅس 5 سیکنڈ تک چمکتا اور پھر 5 سیکنڈ کے لیے بند ہوجاتا۔

مگر ایک وقت ایسا بھی ہوتا ہے جب لائٹ ہاﺅس اکھٹے بند ہوتے ہیں تو آپ کو بتانا ہے :

وہ پہلا وقت کونسا ہوگا جب تینوں لائٹ ہاﺅس کی روشنیاں ایک ساتھ بند ہوں گی۔

اور اگلا وہ وقت کونسا ہوگا جب تینوں کی لائٹیں اکھٹی ہوں گی؟

تو کیا آپ اس سوال کا جواب دے سکتے ہیں؟

یہ بھی پڑھیں : ریاضی کے اس سوال کا جواب دے سکتے ہیں؟