کوئٹہ گلیڈی ایٹرز کا کراچی وائٹس کیلئے انعام کا اعلان
کراچی: پاکستان سپر لیگ کی فرنچائز کوئٹہ گلیڈی ایٹرز کے مالک ندیم عمر نے ریجنل ون ڈے کپ کی چیمپیئن کراچی وائٹس کیلئے پانچ لاکھ روپے انعام کا اعلان کیا ہے۔
اتوار کو کھیلے گئے فائنل میں کراچی وائٹس نے اسلام آباد کو پانچ وکٹ سے شکست دے کر چیمپیئن بننے کا اعزاز حاصل کیا تھا، کراچی وائٹس نے فواد عالم کی 149 رنز کی اننگز کی بدولت 348 رنز کا ہدف تین دن قبل حاصل کر کے فتح اپنے نام کی۔
ندیم عمر نے کہا کہ میں کراچی کی ٹیم کو ریجنل ون ڈے کپ میں چیمپیئن بنتے دیکھ کر بہت کچھ ہوں۔ فواد عالم کے ساتھ نوجوان دانش عزیز کو شاندار اننگز کھیلتے دیکھنا ایک شاندار تجربہ تھا۔
انہوں نے کہا کہ ایک موقع پر کراچی وائٹس کی ٹیم کے ہاتھ سے میچ نکلتا ہوا محسوس ہو رہا تھا لیکن دانش اور فواد عالم نے شاندار بیٹنگ کر کے ٹیم کو فتح سے ہمکنار کرایا جبکہ ٹورنامنٹ میں اسد شفیق کی قیادت بھی بہت عمدہ رہی۔
ندیم عمر نے کرکٹ اور کراچی کے کھلاڑیوں کیلئے سپورٹ کا عمل جاری رکھنے کا عزم ظاہر کرتے ہوئے کہا کہ ندیم عمر ایسوسی ایٹس اور کوئٹہ گلیڈی ایٹرز نوجوان کھلاڑیوں کو مستقبل میں بھی پیٹرنز ٹرافی گریڈ 2، رمضان کرکٹ اور پاکستان سپر لیگ جیسے پلیٹ فارم فراہم کرتا رہے گا۔
لائیو ٹی وی