روہت کا اپنی بیوی کو شادی کی سالگرہ کا منفرد تحفہ
چندی گڑھ: بھارتی ٹیم کے مایہ ناز اوپننگ بیٹسمین اور قائم مقام کپتان روہت شرما نے شادی کی دوسری سالگرہ کے موقع پر اپنی اہلیہ ریتیکا کو تاریخ ساز ڈبل سنچری کا تحفہ پیش کیا۔
دونوں 13 دسمبر 2015 کو رشتہ ازدواج سے منسلک ہوئے تھے اور آج ان کی شادی کی دوسری سالگرہ تھی۔
روہت شرما نے گزشتہ روز سری لنکا کے خلاف دوسرے ایک روزہ میچ میں انتہائی شاندار بلے بازی کا مظاہرہ کرتے ہوئے ریکارڈ ساز ڈبل سنچری اسکور کی اور ون ڈے انٹرنیشنل کرکٹ کی تاریخ میں تین ڈبل سنچریاں بنانے والے دنیا کے پہلے بلے باز بن گئے ہیں۔
تاریخ ساز ڈبل سنچری بنانے کے بعد شرما نے اپنے بیان میں کہا کہ یہ لمحہ میرے لیے باعث فخر ہے، میں اپنی خوشی الفاظ میں بیاں نہیں کر سکتا اور اس ڈبل سنچری کو خصوصی طور پر اپنی اہلیہ ریتیکا کے نام کرتا ہوں۔
لائیو ٹی وی