پاکستان نے سیریز کے بعد چھٹی پوزیشن بھی گنوا دی
دبئی: سری لنکا کے ہاتھوں ٹیسٹ سیریز میں وائٹ واش کے بعد پاکستانی ٹیم انٹرنیشنل کرکٹ کونسل (آئی سی سی) کی تازہ ترین ٹیم رینکنگ میں چھٹی پوزیشن سے بھی محروم ہو گئی اور سری لنکا ایک درجہ ترقی کے ساتھ چھٹے نمبر پر آ گیا۔
منگل کو آئی سی سی نے پاکستان اور سری لنکا کے درمیان دوسرے اور آخری ٹیسٹ کے اختتام پر تازہ ترین ٹیم رینکنگ جاری کر دی جس کے تحت بھارتی ٹیم 125 ریٹنگ پوائنٹس کے ساتھ سرفہرست ہے۔
سری لنکا کے خلاف سیریز میں کلین سوئپ شکست کے بعد ایک سال قبل عالمی نمبر ایک بننے والی قومی ٹیم مزید ایک درجہ تنزلی کے بعد چھٹے سے نمبر سات پر چلی گئی ہے۔
سیریز میں شکست کے بعد سری لنکا کے پوائنٹس 90 سے 94 ہو گئے ہیں اور پاکستان کے پوائنٹس 93 سے کم ہو کر 88 ہو گئے ہیں۔
نئی عالمی درجہ بندی میں جنوبی افریقہ دوسرے، انگلینڈ تیسرے، نیوزی لینڈ چوتھے، آسٹریلیا پانچویں، سری لنکا چھٹے، پاکستان ساتویں، ویسٹ انڈیز آٹھویں، بنگلہ دیش کا نویں اور زمبابوے دسویں نمبر پر موجود ہے۔
لائیو ٹی وی