کوئٹہ: مندر کی دیوار گرنے سے 50 سے زائد افراد زخمی
کوئٹہ کے علاقے شانتی نگر میں مندر کی دیوار گرنے سے خواتین و بچوں سمیت 50 سے زائد افراد زخمی ہوگئے۔
دیوار گرنے کا واقعہ شانتی نگر کے اختر محمد روڈ پر واقع مندر میں پیش آیا۔
واقعے کے بعد مقامی لوگوں نے زخمیوں کو اپنی مدد آپ کے تحت ایدھی کی ایمبولنسز کے ذریعے کوئٹہ کے سول اور دیگر ہسپتالوں میں منتقل کیا، جن میں سے متعدد کی حالت تشویشناک بتائی جاتی ہے۔
دیوار گرنے کا واقعہ اس وقت پیش آیا جب ہندو برادری کے افراد رات کو اپنے مذہبی تہوار ’نوراتری‘ کی عبادات میں مصروف تھے۔
ہندو برادری کے افراد کا کہنا تھا کہ گرنے والی دیوار دو ماہ قبل ہی تعمیر کی گئی تھی اور اس کی اونچائی عام طور پر تعمیر ہونے والی دیواروں سے زیادہ تھی۔
لائیو ٹی وی