آرمی چیف نے ایل او سی پر جوانوں کے ساتھ نمازِ عید ادا کی
راولپنڈی : پاک فوج کے سربراہ جنرل قمر جاوید باجوہ نے لائن آف کنٹرول (ایل او سی) پر اگلے مورچوں پر تعینات پاک فوج کے جوانوں کے ساتھ نماز عید ادا کی۔
پاک فوج کے تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ایل او سی کا دورہ کیا اور اس موقع پر اگلے مورچوں میں موجود نوجوانوں کے ساتھ نماز عید ادا کی۔
آئی ایس پی آر کے جاری بیان کے مطابق جنرل قمر جاوید باجوہ نے نماز عید کی ادائیگی کے بعد پاکستان میں امن و استحاک کے لیے دعا کی۔
اس کے علاوہ انھوں نے پاک فوج کے جوانوں کے حوصلے اور ان کی آپریشنل تیاریوں کو سراہا۔
لائیو ٹی وی