'خواتین برقع ترک کریں، وٹامن ڈی حاصل کریں'
برطانوی انتخابات میں ہار یا جیت کا اصل مقابلہ تو حکمراں جماعت کنزرویٹو اور اپوزیشن جماعت لیبر پارٹی کے درمیان تھا لیکن انتخابات میں دائیں بازو کی ایک ایسی تنظیم بھی شامل تھی جس کا خیال ہے کہ نقاب اور برقع پہننے والی خواتین 'وٹامن ڈی' حاصل کرنے سے محروم رہ جاتی ہیں۔
برطانوی اخبار 'دی گارجین' کی ایک رپورٹ میں پیش کیا جانے والا انڈیپنڈنس پارٹی (UKIP) کا منشور اسی عجیب و غریب منطق کی حمایت کرتا ہے۔
مذکورہ پارٹی کا منشور ہے کہ خواتین نقاب اور برقعے کا استعمال ترک کرکے وٹامن ڈی کا حصول یقینی بنائیں۔
خیال رہے کہ سورج کو ہڈیوں کی مضبوطی کے لیے اہم قرار دیئے جانے والے وٹامن ڈی کے حصول کا بہترین ذریعہ سمجھا جاتا ہے اور برطانوی سیاسی جماعت نے اسی نکتے کو بنیاد بنا کر حجاب پر پابندی لگانے کی اپنی سی کوشش کی۔
لیکن بدقسمتی سے منشور تیار کرنے والے سائنس سمجھنے میں غلطی کر بیٹھے اور یہ نہیں جان پائے کہ انسانی جسم سورج سے وٹامن ڈی حاصل نہیں کرتا بلکہ سورج کی روشنی میں انسانی جسم خود یہ وٹامن بناتا ہے۔
منشور میں اس عجیب و غریب منطق کے ساتھ برقعے اور نقاب کو رابطے اور ابلاغ میں رکاوٹ کا ذریعہ بھی قرار دیا گیا۔
لائیو ٹی وی