آپ کو کپڑے استری کرنے ہیں اور ٹیلیویژن پر پسندیدہ پروگرام کا بھی وقت ہورہا ہے جبکہ دیگر کام بھی یاد آرہے ہیں۔

مگر اچانک معلوم ہوتا ہے کہ آپ کے پاس تو کسی چیز کے لیے وقت ہی نہیں بلکہ آپ کو 10 سے 20 منٹ ابلے ہوئے انڈوں کے چھلکے اتارنے میں لگانے ہیں پھر آپ کیا کریں گے؟

کیا آپ کو معلوم ہے کہ آپ انڈوں کو محض 10 سیکنڈ میں بھی چھیل سکتے ہیں اور وہ بھی ہاتھ لگائے بغیر۔

جی ہاں واقعی ایسا ممکن ہے جس کے لیے ایک بہت آسان گھریلو ٹوٹکا درج ذیل ہے۔

آپ کو کیا چاہئے

ایک گلاس ، ٹھنڈا پانی اور ابلے ہوئے انڈے۔

آپ کو کیا کرنا ہے

انڈوں کو گلاس میں ڈالیں اور پھر اس ڈبے کو ٹھنڈے پانی سے آدھا بھر دیں، اس کے بعد دس سیکنڈ تک سختی سے اسے ہلائیں (یہ کام کچن سنک کے اوپر کریں تاکہ پانی چھلکیں بھی تو کوئی فرق نہ پڑے)، آپ دیکھیں گے کہ چھلکے خودبخود اتر گئے ہیں۔

یہ کیسے کام کرتا ہے

انڈونوں کو ڈبے کے اندر زور سے ہلانا چھلکوں میں دراڑیں ڈال دیتا ہے جبکہ پانی کی طاقت ان چھلکوں کو اپنی جگہ سے ہلا کر ڈھیلا کر دیتی ہے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔