اسلام آباد: عمران خان مصطفیٰ کمال کو متحدہ قومی موومنٹ (ایم کیوایم) کا قابل بھروسہ آدمی قرار دیا اور کہا کہ انہوں نے ایم کیو ایم پر سنجیدہ الزامات لگائے ہیں، حکومت ان کی تحقیقات کے لیے جوڈیشل کمیشن تشکیل دے۔

انہوں نے کہا کہ ایم کیو ایم کے قائد کے منی لانڈرنگ کا سب کو علم ہے، ایم کیو ایم کا 'را' سے تعلق اور فنڈنگ انتہائی سنجیدہ الزامات ہیں اور ان کی تحقیقات کرانا سلامتی کا معاملہ ہے۔

ان کا کہنا تھا کہ جوڈیشل کمیشن نہ بنا تو سمجھیں گے کہ حکومت ذمہ داری نہیں لے رہی۔

انہوں نے ایم کیو ایم کے قائد الطاف حسین کو بھی شدید تنقید کا نشانہ بنایا۔

انہوں نے الزام عائد کیا کہ ایم کیو ایم قائد نے پارٹی کو مافیا بنایا دیا ہے، ایم کیوایم کے قائد لندن میں بیٹھ کر فیصلہ کرتے ہیں کہ کس نے جینا اور کس نےمرنا ہے۔

عمران خان نے کہا کہ پاکستان میں سب سے زیادہ شرح خواندگی کراچی میں ہے اور سب سے زیادہ سیاسی شعور رکھنے والے کراچی بستے ہیں۔