میکسیکو: جیل میں فسادات سے 30 ہلاک
مونٹیری: میکسیکو کی ایک جیل میں ہونے والے فسادات میں کم از کم 30 افراد ہلاک ہوگئے۔
مقامی میڈیا کے مطابق، یہ فسادات میکسیکو سٹی کے شمال میں واقع مونٹیری شہر کی ٹوپو چیکو جیل میں ہوئے جہاں پولیس کی اضافی نفری اور ایمبولینسز کو بھیج دیا گیا ہے۔
ٹیلی ویزا چینل نے واقعے میں 30 ہلاکتوں جبکہ میلینیو ٹیلی ویژن کے مطابق فسادات میں 50 افراد ہلاک ہوئے۔
ہلاک ہونے والوں میں جیل کے محافظ اور قیدی شامل ہیں۔
اسٹیٹ پبلک سیکیورٹی کے ترجمان نے خبر رساں ادارے اے ایف پی کو بتایا کہ یہ فسادات آدھی رات کو شروع ہوئے تھے جس کا مقصد بظاہر جیل سے بھاگنا لگتا ہے۔ تاہم سیکیورٹی انتظامات کی وجہ سے کوئی قیدی فرار نہیں ہوسکا۔
لائیو ٹی وی