انگلش پریمیئر لیگ کا ریکارڈ رونی کے نام
لیورپول: انگلینڈ کے کپتان اور مانچسٹر یونائیٹڈ کے اسٹار وین رونی نے انگلش پریمیئر لیگ میں کسی ایک کلب کی جانب سے سب سے زیادہ گول اسکور کرنے کا نیا ریکارڈ قائم کردیا۔
اتوار کو لیورپول کے خلاف اسی کے ہوم گراؤنڈ پر میچ کا فیصلہ کن گول اسکور کر کے رونی نے ناصرف اپنی ٹیم کو 1-0 کی فتح سے ہمکنار کرایا بلکہ ساتھ ساتھ ایک نیا ریکارڈ بھی اپنے نام کر لیا۔
یہ مانچسٹر یونائیٹڈ کی لیورپول کے خلاف لگاتار چوتھی کامیابی ہے۔
رونی نے اس ایک گول کے ساتھ مانچسٹر یونائیٹڈ کیلئے کیے گئے گول کی تعداد 176 کر لی اور انگلش پریمیئر لیگ میں کسی ایک کلب کی جانب سے سب سے زیادہ گول اسکور کرنے والے کھلاڑی بن گئے۔
اس سے قبل یہ ریکارڈ فرانس کے اسٹار تھیری ہنری کے پاس تھا جنہوں نے آرسینل کی نمائندگی کرتے ہوئے 175 گول اسکور کیے تھے۔
اس میچ میں فتح کے ساتھ یونائیٹڈ کی ٹیم پوائنٹس ٹیبل پر پانچویں نمبر پر پہنچ گئی ہے جبکہ لیورپول بدستور نویں نمبر پر موجود ہے۔
لائیو ٹی وی