گوادر: بارودی سرنگ پھٹنے سے دو سیکیورٹی اہلکار ہلاک
کوئٹہ: بلوچستان کے ضلع گوادر میں ایک بارودی سرنگ پھٹنے سے پاکستان کوسٹ گارڈز کے دو اہلکار ہلاک جبکہ تین زخمی ہو گئے۔
پولیس ذرائع کے مطابق، ہفتہ کو گوادر کی تحصیل جیوانی کے علاقے خالدان میں کوسٹ گارڈز کی ایک گاڑی معمول کے گشت کے دوران ایک بارودی سرنگ سے ٹکرا گئی۔
حملے میں دو اہلکار موقع پر ہلاک جبکہ تین شدید زخمیوں کو قریبی ہسپتال منتقل کر دیا گیا۔
دھماکے سے گاڑی کو بھی شدید نقصان پہنچا، سیکیورٹی فورسز نے علاقے کا محاصرہ کرتے ہوئے تحقیقات شروع کر دیں۔ ابھی تک کسی نے واقعہ کی ذمہ داری قبول نہیں کی۔
ایک اور واقعہ میں سیکیورٹی فورسز نے ڈیرہ مراد جمالی کے علاقے میں ایک مشتبہ عسکریت پسند کو گرفتار کرتے ہوئے اسلحہ قبضے میں لے لیا۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی