داعش چھوڑنے کے مطالبے پر والدہ کا سرعام قتل
داعش کے ایک عسکریت پسند نے شامی شہر رقہ میں شدت پسند تنظیم چھوڑنے کا مشورہ دینے پر اپنی والدہ کو سرعام قتل کردیا۔
شام کی صورت حال پر نظر رکھنے والے مبصر گروپ کی رپورٹ کے مطابق والدہ نے اپنے بیٹے کو کہا تھا کہ امریکی اتحاد داعش کو ختم کردے گا ۔
رپورٹ میں بتایا گیا کہ والدہ نے عسکریت پسند کو اس کے ساتھ شہر چھوڑنے کی بھی صلاح دی تھی۔
رپورٹ کے مطابق عسکریت پسند نے گروپ کو اپنی والدہ کے ان جملوں کے حوالے سے آگاہ کردیا جس کے بعد انہیں حراست میں لے لیا گیا۔
رپورٹ میں مقامی ذرائع کے حوالے سے بتایا گیا کہ 20 سالہ شخص نے اپنی والدہ کو بدھ کے روز پوسٹ آفس کی عمارت کے سامنے قتل کیا جہاں وہ کام کرتی تھیں۔
شام اور عراق کے متعدد علاقوں پر قابض شدت پسند گروپ اب تک سیکڑوں افراد کو قتل کرچکا ہے۔
لائیو ٹی وی
تبصرے (2) بند ہیں