سرگودھا میں ایکسپریس نیوز کے دفتر پر کریکر حملہ
سرگودھا: پنجاب کے شہر سرگودھا میں نامعلوم حملہ آوروں نے پیر کی شام ایکسپریس نیوز چینل کے بیورو آفس پر دستی بم سے حملہ کیا۔
چینل کی ویب سائٹ پر ایک خبر میں دعویٰ کیا گیا کہ حملے میں کسی جانی نقصان کی اطلاع نہیں ملی۔تاہم، کریکر حملے سے ایک سیکیورٹی گارڈ زخمی جبکہ عمارت کا بیرونی حصہ متاثر ہوا۔
پنجاب کے وزیر اعلیٰ شہباز شریف نے واقعہ کا نوٹس لیتے ہوئے آئی جی پنجاب مشتاق سکھیرا کو تحقیقاتی رپورٹ جمع کرانے کا حکم دے دیا۔
پاکستان فیڈرل یونین آف جرنلسٹ نے واقعہ کی پرزور مذمت کرتے ہوئے منگل کو پنجاب اسمبلی کے باہر احتجاج کا اعلا ن کیا ہے۔
خیال رہے کہ پچھلے دو مہینوں میں تیسری مرتبہ کسی میڈیا دفتر پر دستی بم حملہ کیا گیا ہے۔ پچھلے ہفتے لاہور میں دن نیوز کے دفتر پر اسی طرح کے حملے میں دو پولیس اہلکار اور ٹی وی چینل کا ایک ملازم زخمی ہوا تھا۔
اسی طرح نومبر میں دنیا نیوز کے فیصل آباد میں بیورو آفس پر دستی بم حملے میں چینل کے تین ملازم زخمی ہوئے ۔
30 نومبر کو نامعلوم مسلح افراد نے ڈان نیوز کی ڈیجیٹل سیٹلائٹ نیوز گیدرنگ (ڈی ایس این جی) وین پر کراچی میں حملے سے ایک ملازم زخمی ہوا۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی