چمن: چیک پوسٹ پر فائرنگ، دو پولیس اہلکار ہلاک
کوئٹہ: بلوچستان کے ضلع چمن میں مشتبہ عسکریت پسندوں کے حملے میں دو پولیس اہلکار ہلاک ہو گئے۔
پولیس ذرائع نے بتایا کہ منگل کو حملہ آوروں نے چمن میں بوگرہ روڈ کے علاقے میں ایک چیک پوسٹ پر فائرنگ کر دی۔
فائرنگ سے دونوں پولیس اہلکار موقع پر ہی ہلاک ہو گئے جبکہ ایک راہ گیر شدید زخمی ہوا۔ زخمی راہ گیر کو طبی امداد کیلئے چمن سول ہسپتال منتقل کر دیا گیا۔
پولیس اور ایف سی اہلکاروں نے حملے کے بعد جائے وقوعہ کو گھیرے میں لے کر تحقیقات شروع کر دیں۔
حملہ آور موقع سے فرار ہونے میں کامیاب رہے۔ ابھی تک کسی نے واقعہ کی ذمہ داری قبول نہیں کی۔
لائیو ٹی وی
تبصرے (1) بند ہیں