کشمیر: ہندوستانی فائرنگ سے پاکستانی کشمیر میں لڑکی ہلاک
اسلام آباد: پاکستانی آفیشلز کے مطابق، بدھ کے روز متنازعہ کشمیر کی سرحد پر ہندوستانی افواج کی فائرنگ سے ایک لڑکی ہلاک ہوگئی ہے۔
اسلام آباد سے 65 کلومیٹر مشرق میں ضلع راولا کوٹ میں لائن آف کنٹرول ( ایل او سی) کے پاکستانی کشمیر میں یہ واقعہ پیش آیا۔
' ہندوستانی فوجیوں نے چھوٹے ہتھیار اور آرٹلری سے بٹل کے علاقے میں فائرنگ کی جس سے ایک دس سالہ بچی ہلاک اور اس کی ماں زخمی ہوگئی،' ایک سینیئر آفیشل نے اے ایف پی کو بتایا۔
انہوں نے بتایا کہ اس کے جواب میں پاکستانی افواج نے بھی فائرنگ کی اور مقامی آفیشل سہیل اعظم نے ہلاکت کی تصدیق کرتے ہوئے اے ایف پی کو بتایا کہ دونوں ممالک کی افواج کے درمیان فائرنگ کا تبادلہ بھی ہوا۔
انہوں نے کہا کہ انڈین آرمی کی طرفسے فائر کیا گیا مارٹر گولہ ایک گھر میں گرا جس کے ٹکڑے سے بچی کی ہلاکت ہوئی۔
مقامی رہائشی امتیاز احمد نے اے ایف پی کو بتایا کہ اس کے گھر کے دو افراد ہندوستانی فائرنگ سے زخمی ہوئے ہیں۔
منگل کے روز ہندوستانی افواج کی جانب سے کوٹلی کے ایک چھوٹے سے گاؤں میں فائرنگ کی گئی تھی جس سے ایک پیسنٹھ سالہ خاتون زخمی ہوگئی تھیں۔
لائیو ٹی وی