مری کے رہائشی اور وہاں کے خوبصورت نظاروں کو دیکھنے کے لیے پہنچنے والے سیاحوں کے لیے 20 سال بعد ہل اسٹیشن میں سینما کھولا جارہا ہے۔

توقع ظاہر کی جارہی ہے کہ یہ سینما عید الاضحٰی کے موقع پر کھولا جائے گا جبکہ سنی پیکس چین کا یہ نواں سینما ہوگا۔ اس سے قبل کراچی لاہور فیصل آباد، راولپنڈی اور گجرانوالہ میں سنی پیکس سینما موجود ہیں۔

پبلسٹی فوٹو

سنی پیکس کے جنرل مینیجر محسن یاسین نے بتایا کہ مری کا آخری سینما دو دہائیوں قبل بند ہوگیا تھا۔

انہوں نے بتایا کہ مری میں بڑی تعداد میں لوگ وہاں کی خوبصورتی دیکھنے جاتے ہیں تاہم رات میں ان کے پاس زیادہ کچھ کرنے کو نہیں ہوتا اور اسی وجہ سے ہم نے وہاں سینما کھولا ہے۔

پبلسٹی فوٹو

سینما میں ایک اسکرین ہوگی جبکہ اس میں 300 افراد کے بیٹھنے کی گنجائش ہوگی۔ یہ ڈالبی 7.1 سراؤنڈ ساؤنڈ سسٹم سے لیس ہوگا۔

جی ایم نے بتایا کہ ہمیں مری میں کو مقام ملا وہاں صرف ایک ہی اسکرین لگائی جاسکتی ہے اسی وجہ سے ملٹی پلیکس تعمیر نہیں کیا جارہا۔

اس سے قبل حکومت پنجاب نے رواں سال مری میں تھری ڈی سینما کی تعمیر کا اعلان کیا تھا تاہم یہ واضح نہیں کہ یہ منصوبہ مکمل کیا جائے گا یا نہیں۔

پبلسٹی فوٹو

سنی پیکس سینما آئندہ آنے والے سال اسلام آباد کے صفا مال، حیدرآباد کے اوٹومن روڈ، گجرات، سیالکوٹ اور ملتان میں بھی تعمیر کیے جائیں۔