ایران کا نئے میزائل کا کامیاب تجربہ
دبئی : ایران نے کم فاصلے تک مار کرنے والے 'فتح' مزائل کا کامیاب تجربہ کرلیا، جس کے بارے میں دعویٰ ہے کہ یہ 500 کلومیٹر کے فاصلے میں اہداف کو نشانہ بنا سکتا ہے۔
زمین سے زمین پر مار کرنے والا فتح 313 مزائل پانچ سو کلومیٹر تک اپنے ہدف کو کامیابی کے ساتھ نشانہ بنا سکتا ہے۔
اس نئے میزائل کو اس وقت متعارف کرایا گیا ہے جب ایران اور چھ عالمی طاقتوں کے درمیان جوہری پروگرام پر معاہدہ طے پائے ایک ماہ کا عرصہ گزر چکا ہے جس کے مطابق تہران کو اپنی جوہری پروگرام کو محدود کرنا ہوگا جبکہ مغربی حکومتیں اقتصادی پابندیوں کو نرم کریں گی۔
میزائل کے تجربے کے موقع پر صدر روحانی کا کہنا تھا کہ فوجی طاقت مشرق وسطیٰ میں امن کے لیے ضروری ہے۔
ان کا کہنا تھا کہ ہم ہم اپنی ضروریات کے مطابق کسی بھی قسم کے ہتھیار کو خرید، فروخت اور تیار کرسکتے ہیں، ہمیں اس حوالے سے کسی کی اجازت کی ضرورت نہیں۔
دوسری جانب ایران نے فضائی حدود کی خلاف ورزی کرنے والا ڈرون مارگرایا۔
ایرانی فوج کے مطابق ڈرون عراقی سرحد کے قریب پرواز کررہا تھا جسے میزائل شکن ایرانی نظام نے نشانہ بنایا۔
مار گرائے جانے والا ڈرون طیارہ ہتھیاروں سے لیس نہیں تھا۔
لائیو ٹی وی
تبصرے (1) بند ہیں