پاکستان کا ورلڈ ٹیم سنوکر میں شاندار آغاز
کراچی: دفاعی چیمپئن ہانگ کانگ 1، ایران 1 اور گزشتہ سال کے رنر اپ پاکستان 1اور انڈیا1 نے کراچی میں شروع ہونے والے تیسرے جوبلی انشورنس ورلڈ مینز اینڈ ماسٹر ٹیم ایونٹ کے پہلے دن اپنے تمام گروپ میچ جیت لیے۔
بدھ کو یہاں موون پک ہوٹل میں شروع ہونے والے ایونٹ کے گروپ’اے‘ میں چون وائی لی اور ووک وائی فنگ پر مشتمل ہانگ کانگ 1 نے افغانستان اور قطر2 کو ایک جیسے سکور1-4 سے گھر بھیج دیا۔
سیکنڈ سیڈ ایران 1 کے سہیل واحدی اور عامر سرخوش نے گروپ ’بی‘ کے دو میچوں میں بحرین کو0-5 اور انڈیا 5 کو 1-4 سےہرا دیا۔ اسی طرح ، گروپ’سی‘ میں سابق ٹیم ایونٹ چیمپئنز محمد آصف اور محمد سجاد پر مشتمل پاکستان نے ملیشیا کو2-3 اور ایران2 کو1-4 سے شکست دی۔
گزشتہ روز ورلڈ-6 ریڈز کا ٹائٹل برقرار رکھنے والے پنکج ایڈوانی اور ورون مدن نے گروپ’ڈی‘ میں انڈیا1 کو قطر3 کے خلاف 1-4 اور پاکستان 8 پر2-3 کی فتح دلائی۔
ادھر، ماسٹر مقابلوں میں محمد یوسف اور سابق انٹرنیشنل کھلاڑی نوین پروانی پر مشتمل پاکستان کی خطرناک جوڑی نے گروپ’اے‘ میں انگلینڈ 3 کو یو اے ای کو ایک جیسے سکور2-3 سے ہرا کر ٹورنامنٹ کا فاتحانہ آغاز کیا۔
لائیو ٹی وی