'متحدہ والے الطاف حسین کو سمجھائیں'
اسلام آباد: وفاقی وزیر داخلہ چوہدری نثار علی خان نے لندن سے کی جانے والی متحدہ قومی موومنٹ (ایم کیو ایم) کے قائد الطاف حسین کی تقاریر کو مسئلہ قرار دے دیا ۔
قومی اسمبلی سے خطاب میں وزیر داخلہ نے ایم کیوایم پاکستان کی لیڈر شپ کی پریشانی کا تذکرہ کیا اور کہا کہ الطاف حسین لندن سے جو کچھ کرتے ہیں، اس میں ایم کیوایم کا کوئی قصور نہیں ہے۔
چوہدری نثار نے کہا کہ کراچی آپریشن پر اب بھی ایم کیوایم کو چھوڑ کر تمام جماعتیں متفق ہیں ۔۔
وفاقی وزیر داخلہ نے کراچی کے حالات کو بیس سال کے بعد سب سے اچھا قرار دیا۔
وزیرداخلہ نے سوال کیا کہ یہ کیسے ہوسکتا ہے کہ متحدہ کی طرف سے سب اچھا اور رینجرز کی طرف سے سب خراب ہو ۔
اپنے خطاب کے دوران انہوں نے واضح کیا کہ کسی کو لاپتہ کرنا حکومت کی پالیسی کا حصہ نہیں ہے ۔
دوسری جانب ایم کیو ایم ارکان نے کراچی میں کارکنوں کی مبینہ ہلاکتوں پر ایوان سے واک آوٹ کردیا ۔
فاروق ستار نے قومی اسمبلی کے باہر گفتگو کرتے ہوئے کہا کہ آئین کے اندر رہتے ہوئے الطاف حسین کی تقاریر کےحوالے سے راستہ نکالا جائے لیکن ان کو جواز بناکر ماورائے قانون اقدامات نہیں کئے جائیں۔
لائیو ٹی وی