'میرے اجنبی' عروہ اور فرحان کا ایک ساتھ پہلا ڈرامہ
پاکستانی گلوکار فرحان سعید اور اداکارہ عروہ حسین کے بارے میں مانا جاتا ہے کہ وہ حقیقی زندگی میں ایک دوسرے کی محبت میں گرفتار ہیں اور اب وہ پہلی بارایک ڈرامے میں بھی اکھٹے نظر آئیں گے۔
اے آر وائی چینل پر شروع ہونے والا ڈرامہ 'میرے اجنبی' میں عروہ اور فرحان ایک ساتھ اداکاری کے جوہر دکھائیں گے۔
عروہ اور فرحان کے ایک قریبی نمائندے کے مطابق یہ ڈرامہ ایک عورت کی زنگی پر بنایا جارہا ہے اور یہ ایک رومانوی کہانی پر مبنی ہوگا۔
 |
| فوٹو بشکریہ— میرے اجنبی فیس بک پیج |
احمد بھٹی کی ہدایت میں بننے والے اس ڈرامے کی کہانی صائمہ اکرام نے تحریر کی ہے اور اس ڈرامے میں عروہ اور فرحان سمیت صبا حمید، احمد حسن، فردوس جمال، وسیم عباس، اور ہما نواب بھی اہم کرداروں میں نظر آئیں گے۔
'میرے اجنبی' 29 جولائی سے نشر ہونا شروع ہوگا۔
لائیو ٹی وی