افغانستان: ڈرون حملے میں داعش کا ایک اور کمانڈر ہلاک
 |
کابل:مشرقی افغانستان کے صوبہ ننگر ہار میں دولت اسلامیہ کا ایک اور سینئر کمانڈر فضائی حملے میں ہلاک ہو گیا۔
گزشتہ ایک ہفتے کے دوران اس علاقے میں داعش کا چوتھا سینئر کمانڈر ہلاک ہوا ہے۔
افغانستان کے نیشنل ڈائریکٹوریٹ کے مطابق، حافظ سعید نامی نہاد ’ریاست خوراساں‘ میں داعش کے سربراہ تھے۔
انٹیلی جنس ایجنسی نے بتایا کہ جمعہ کو رات گئے ننگر ہار کے ضلع ایچن میں جمع ہونے والے 30 دوسرے عسکریت پسند بھی حافظ سعید کے ساتھ ہلاک ہوئے۔ ایجنسی نے فضائی حملوں کے حوالے سے مزید کچھ نہیں بتایا۔
 |
مبینہ طور پر پاکستان سے تعلق رکھنے والے سعید اور کچھ دوسرے سینئر طالبان کمانڈرز نے افغانستان میں داعش سے اتحاد کر لیا تھا۔
امریکی ڈرون طیاروں نے گزشتہ ایک ہفتے کے دوران ٹی ٹی پی کے سابق ترجمان شاہد اللہ شاہد اور گل زمان سمیت تین داعش رہنماؤں کو نشانہ بنایا۔
طالبان عسکریت پسندوں کو علاقے سے دھکیلنے کے بعد داعش کے جنگجوؤں نے گزشتہ دو مہینوں میں پاکستانی سرحد سے ملحقہ ننگرہار کے مختلف اضلاع میں اپنی پوزیشن مستحکم کی ہے۔
لائیو ٹی وی
تبصرے (1) بند ہیں