'صدر اور وزیراعظم بیرون ملک بھی اردو میں تقریر کریں گے'

محمد عرفان حیدر شائع July 10, 2015

یوٹیلٹی بلز، سرکاری ویب سائٹس، ڈرائیونگ اور دیگرلائسنسز, پاسپورٹس پر انگریزی کے ساتھ اردو زبان بھی درج ہوگی، حکومت — فائل فوٹو

اسلام آباد : وفاقی حکومت نے سپریم کورٹ کو بتایا ہے کہ وزیراعظم نے اردو زبان کو سرکاری زبان کا درجہ دینے سے متعلق حکم نامہ جاری کردیا ہے اور اب صدرمملکت ،وزیراعظم ،وزراء، وفاق اور سرکاری نمائندے ملک میں اور ملک سے باہر اردو زبان میں تقاریر کریں گے۔

اردو کو سرکاری زبان کادرجہ دینے سے متعلق کیس میں سیکرٹری اطلاعات ونشریات محمد اعظم نے وفاقی حکومت کی جانب سے عدالت میں رپورٹ پیش کی۔

کیس کی سماعت جسٹس جواد ایس خواجہ کی سربراہی میں تین رکنی بینچ کر رہا ہے۔

رپورٹ میں عدالت کو بتایا گیا ہے کہ آئین کے آرٹیکل 251 کے مطابق وزیراعظم کی طرف سے جاری کردہ حکم نامے میں یوٹیلٹی بلز، سرکاری اداروں کی ویب سائٹس، ڈرائیونگ اور دیگر لائسنسز پاسپورٹس پر انگریزی کے ساتھ اردو زبان بھی درج ہوگی۔

مزید پڑھیں: اردو زبان کے بارے میں چند غلط تصورات

عدالت کو بتایا گیا کہ عدالتوں،تھانوں، ہسپتالوں، تعلیمی اداروں اور بینکوں سمیت تمام عوامی اہمیت کی جگہوں پر رہنمائی کے لئے انگریزی کے ساتھ ساتھ اردو کے بورڈ بھی آویزاں کیے جائیں گے۔

سیکرٹری اطلاعات و نشریات نے عدالت کو بتایاکہ یہ سارا کام مرحلہ وار 3 ماہ میں مکمل کر لیا جائے گا۔

بعد ازاں کیس کی مزید سماعت 22 اگست تک ملتوی کر دی گئی۔

واٹس ایپ چینل

تبصرے (9) بند ہیں

nasreen Jul 10, 2015 07:09pm

please train them to speak right urdu. not mix with any other language.

عائشہ بخش Jul 10, 2015 09:33pm

ہم خوشی سے مر نہ جاتے جو اعتبار ہوتا ۔۔۔۔۔۔۔۔۔ اردو کی ترقی میں پاکستان کی بیور کریسی سب سے بڑی روکاوٹ ہے ۔ کیونکہ وہ عوامی کی ناعلمی سے فائدہ اٹھتا ہیں۔ عوام کو قانون سے بے خبر رکھنا اور قانون سے ڈر کر ہی ان کا کام چلتا ہے ۔ ۔۔۔۔۔۔۔۔سرکاری دفتروں میں کریشن کی بڑی وجہ ۔۔۔ عوام کی انگریزی زبان میں شائع شدہ قانون سے ناعلمی ہے ۔ اس لئے اس کا عمل کبھی بھی نہیں ہو گا۔ تاکہ وقت کوئی بہت بڑی ٹیکنالوجی اس کو تبدیل کردیں

Mubashar Jul 10, 2015 10:03pm

This is the best news. We should be proud of our own culture and heritage.

Mubashar Jul 10, 2015 10:05pm

Best news in a while. Urdu is our language if we don't speak Urdu then who will??

Arslan Jul 10, 2015 10:53pm

@nasreen plz improve your english :)

Arslan Jul 10, 2015 10:54pm

@عائشہ بخش agree

Naveed Shakur Jul 11, 2015 01:20am

We believe that English is the language for success, if this is so then why Japan, France, China and other countries are so successful and even they don't or know English very less. This decision is not required at this time when people are protesting for electricity and other taxes impose by govt.

محمداسلم الوری Jul 11, 2015 08:11am

یہ ایک جرات مندانہ فیصلہ ہے لیکن اس کی کامیابی کا انحصار حکمرانوں کی نیت پر ہے۔ اگر وہ سنجیدہ ہیں تو اس پر عمل درآمد کے لئے ضروری وسائل بھی مہیا کریں گے، نفاز قومی زبان کا باقاعدہ نیا ڈویژن کابینہ سیکریٹری کی راست نگرانی میں قائم کریں گے۔میڈیا کو معیاری زبان میں معلومات فراہم کرنے کے لئے ضابط ئ اخلاق کا پابند کریں۔ہر وزارت میں معیاری دارالترجمہ قائم کریں۔جامعات کو پابند کریں کہ وہ جدید تحقیقات کو فوری طور پر قومی زبان میں منتقلی کے لئے ٹھوس اقدامات کریں۔ معیاری تراجم پر بھی قومی سطح پر انعامات دئے جائیں۔ سی ایس ایس کے امتحان میں دفتری اردو کا لازمی کورس شامل کیا جائے اور موجودہ افسران کی تربیت کے لئے فوری اقدامات کئے جائیں۔ہمیں بطور شہری بھی قومی زبان کے فروغ کے لئے رائے عامہ ہموار کرنے اور اپنی نجی زندگی میں اسے برتنے کی ضرورت ہے۔ ورنہ ان وقتی اقدامات سے کچھ حاصل نہیں ہوگا۔ محمد اسلم الوری

jami Jul 11, 2015 05:43pm

buhat acha decison hy