آصف زرداری دبئی روانہ
کراچی: پارٹی ذرائع کے مطابق سابق صدر اور پاکستان پیپلز پارٹی کے شریک چیئرمین آصف علی زرداری بدھ کے روز دبئی روانہ ہوگئے۔
تاہم انہوں نے کہا کہ انہیں اس بات کا علم نہیں کہ وہ اچانک کیوں دبئی تشریف لے گئے یا وہ متحدہ عرب امارات میں کتنے دن رہنے کا ارادہ رکھتے ہیں۔
ڈان کے سوال پر پی پی پی ذرائع نے مختصراً بتایا کہ زرداری صاحب شام کو کراچی سے دبئی روانہ ہوگئے ہیں۔
ذرائع نے بتایا کہ بلاول بھٹو ان کے ساتھ نہیں گئے اور اس حوالے سے میڈیا رپورٹس درست نہیں۔ وہ بدھ تک یہیں تھے اور ان کے بین الاقوامی سفر کے ارادوں کا علم نہیں۔
زرداری سے قبل ان کی بڑی بہن اور پارٹی کی سینئر رہنما فریال تالپور بھی ایک روز قبل یو اے ای روانہ ہوئی تھیں۔
لائیو ٹی وی