کراچی: متحدہ قومی موومنٹ کے سربراہ الطاف حسین نے ایک بار پھر کراچی کو علیحدہ صوبہ بنانے کا مطالبہ کردیا۔

انہوں جے کہا کہ وہ پاکیستان تحریک انصاف (پی ٹی آئی)، جماعت اسلامی اور ن لیگ سمیت تمام پارٹیوں کے ساتھ مل کر کام کرنا چاہتے ہیں۔

جناح گراؤنڈ میں ٹیلی فونک خطاب کرتے ہوئے ایم کیو ایم کے سربراہ الطاف حسین نے قومی اسمبلی کے حلقہ این اے 246 کے ضمنی الیکشن میں کامیابی پر کارکنوں کو مبارکباد دیتے ہوئے کہا کہ مشکلات اور رکاوٹوں کے باوجود کارکنان نے جرأت کا مظاہرہ کیا ہے۔

ایم کیو ایم کے سربراہ نے قومی اسمبلی کے حلقہ این اے 246 کے ضمنی انتخابات میں ایم کیو ایم کی کامیابی کے حوالے سے کہا کہ 'ہماری پارٹی پر لگائے جانے والے جھوٹے الزامات عوامی عدالت نے مسترد کردیے ہیں'۔

الطاف حسین کا کہنا ہے کہ اگر اسٹیبلشمنٹ بلاجواز لڑائی ختم کر کے ایم کیو ایم کو ملک کی معزز جماعت تسلیم کرلے، تو وہ آج بھی ملک کی خاطر فوج کے شانہ بشانہ لڑنے کے لیے تیار ہیں۔

ایم کیو ایم کے سربراہ نے انتخابی عمل میں خامیوں کی نشاندہی کرتے ہوئے کہا کہ ان کی پارٹی نے الیکشن کمیشن کو کئی بار مطالبہ کیا کہ پولنگ کے وقت میں اضافہ کیا جائے کیونگہ پولنگ ختم ہونے کے وقت 50 فیصد لوگ لائنوں میں موجود تھے۔

الطاف حسین نے کہا کہ پوری دنیا میں قانون ہے کہ پولنگ تاخیرسے شروع ہونے پر اس کا وقت بڑھایا جاتا ہے۔

انہوں نے مزید کہا کہ اگرالیکشن کمیشن وقت بڑھاتا تو ایم کیو ایم ڈھائی لاکھ سے زیادہ ووٹ حاصل کرتی۔