جھنگ: ٹرک گھر پر الٹ گیا، 7 بچے ہلاک
لاہور: پنجاب کے ضلع جھنگ میں سرگودھا روڈ پر ٹرک گھر کے اوپر الٹ جانے کے باعث گھر میں موجود 7 بچے ہلاک ہوگئے ہیں۔
ڈان نیوز کے مطابق امدادی کارروائیوں میں شامل ریسکیو ذرائع کا کہنا ہے کہ حادثے میں ملبے کا ڈھیر بن جانے والے مکان کے ملبے کے نیچے اب بھی 3 بچے موجود ہیں، جن کو نکالنے کے لیے امدادی کارروائیاں جاری ہیں۔
واقعے میں زخمی ہونے والے 4 افراد کوطبی امداد کے لئے ڈسٹرکٹ ہیڈکوارٹرز اسپتال منتقل کردیا گیا ہے۔
مذکورہ حادثے کے بعد علاقے لوگوں کی بڑی تعداد پولیس اور ریسکیو ذرائع کے ساتھ امدادی کارروائیوں میں شامل ہوگئی۔
پولیس نے واقعے کی تحقیقات شروع کردی ہیں تاہم ابتدائی طور پر حادثے کی وجہ معلوم نہیں ہوسکی ہے۔
لائیو ٹی وی