پسنی کے ریڈار سسٹم پر دہشت گردوں کا حملہ
کوئٹہ: گوادر کے علاقے پسنی میں موجود ہوائی ٹریفک کنٹرول ریڈار سسٹم پر مبینہ طور دہشت گردوں نے حملہ کردیا تاہم ریڈار کسی بھی قسم کے نقصان سے محفوظ رہا ۔
حملے کے بعد ریڈار کا کراچی اور دیگر علاقوں سے رابطہ منقطع ہو گیا تھا۔
سرکاری حکام کے مطابق عسکریت پسندوں کے ایک گروپ نے پیر اور منگل کی درمیانی شب پسنی کے قریب موجود ہوائی ٹریفک کو کنڑول کرنے والے ریڈار سسٹم کو راکٹوں سے نشانہ بنایا۔
اس موقع پر ریڈار سسٹم کی حفاظت پر مامور سیکیورٹی فورسز کے اہلکاروں نے جوابی کارروائی کی گئی۔
سول ایوی ایشن اتھارٹی (جنوبی) کے جنرل مینجر قاضی مقبول نے ڈان کو بتایا کہ 'ریڈار محفوظ ہے' جبکہ حملے کے بعد ریڈار کو عارضی طور پر کچھ دیر کے لیے بند کردیا گیا تھا۔
ذرائع کے مطابق واقعے میں کسی قسم کا جانی نقصان نہیں ہوا ہے۔
ریڈار کی جزوی بندش کے باعث ایئر ٹریفک کا کنٹرول کچھ دیر کے لیے متاثر ہوا تھا۔
لائیو ٹی وی