چمن میں دھماکا، ایک شخص ہلاک، سات زخمی
کوئٹہ: بلوچستان کے ضلع چمن میں بم پھٹنے سے ایک شخص ہلاک جبکہ سات زخمی ہو گئے۔
منگل کو مال روڈ کے علاقے میں ایک سائیکل پر نصب بم پھٹنے سے چار گاڑیاں اور ایک درجن کے قریب دکانیں تباہ ہو گئیں۔
دھماکے کی شدت سے اطراف میں عمارتوں کی کھڑکوپں کے شیشے بھی ٹوٹ گئے۔
بم دھماکے کے فوراً بعد سیکورٹی فورسز اور امدادی کارکن موقع پر پہنچے اور زخمیوں کو ضلعی ہیڈ کواٹرز ہسپتال منتقل کیا جہاں ایک زخمی جانبر نہ ہو سکا۔
ایف سی اور پولیس اہلکاروں نے علاقے کا محاصرہ کرتے ہوئے تحقیقات شروع کر دیں۔
ابھی تک کسی گروپ نے واقعہ کی ذمہ داری قبول نہیں کی۔
خیال رہے کہ دو دن قبل چمن میں ہی ایک بم دھماکے میں ایک بچہ ہلاک جبکہ نو زخمی ہوئے تھے۔
لائیو ٹی وی