لوڈ شیڈنگ 2020 تک رہنے کی جاں گسل خبر تو نیپرا نے آج سنا ھی دی۔ لیکن ھر بری حالت سے اچھی حالت بھی برآمد ھو جانا بھی بعید از قیاس نہیں۔ ھم عوام جانتے ھیں کہ ھوا، پانی، کوئلے اور ایٹمی بجلی گھروں سے تو بجلی پیدا کی جا سکتی ھے اور 480 ارب روپے کی ادائیگی کے باوجود عوام کو ریلیف نہیں ملا۔ اور بجلی کا شارٹ فال جوں کا توں ھے بلکہ گرمیوں کے آتے ھی اس کی زلف مزید دراز ھو گی۔ ایسے میں عوام پاکستان کی انسان دوست سائنسدانوں سے گزارش ھے کہ جلد از جلد "خون جلانے سے بجلی پیدا کرنے کے طریقے" ایجاد کر دیں تا کی پاکستان کے 18 کروڑ بجلی پیدا کرنے لائق انسانی ایندھن کو فوری استعمال میں لایا جا سکے اور 2020 تک کا قیمتی وقت بچایا جا سکے اور بجلی کی تقسیم کار کمپنیوں کو سینکڑوں میگا واٹ کے شارٹ فال سے بھی بچایا جا سکے۔ انسانی خون جلانے سے پیدا ھوئی بجلی تقریبا مفت ھو گی تو اس کی قیمت بھی کم ھو گی اور چوری اور وصولیوں کا تو امکان ناپید ھو جائے گا۔ سیاسی قائدین بھی بجلی کے فلانے سن تک آنے کی آئے روز کی بیان بازیوں سے بچ جائیں گے اور عوام میں ان کی مقبولیت اور گورننس کے پیمانے بھی بھر جائیں گے۔ نیپرا چونکہ حکومت کے سستی بجلی پیدا کرنے کے اقدامات کو سپورٹ کرتی ہے اور صنعتوں کو براہ راست بجلی فروخت کرنے کا منافع بخش قدم اٹھانے کی اجازت دینے میں عجلت دکھانا چاھتی ھے تو ایسے میں عوام کے خون سے بجلی پیدا کرنے کے نادر و نایاب منصوبے کو عالمی سطح پر مشتہر کرے۔ تا کہ کسی چینی، ترکی یا پھر امریکی کمپنی سے مدد لینے میں وقت کا مزید ضیاع نہ ھو اور کسی بڑے حکومتی سیاستدان یا عہدیدار کو ایک اور کامیاب تقریر کا تاریخی موقع م

نیپرا سے گزارش یہ ہے کہ یہ خبر کسی طرح ان لوگوں تک بھی پہچا دیں جنہوں نے ماہیک توڑ اعلان کیے تھے کہ لوڈشیڈنگ چھ مہینے میں ختم ہو جاے گیٓ - کیوں کے عوام کو تو پہلے ہی پتا تھا-