گوادر: سات مشتبہ دہشت گرد گرفتار
کوئٹہ: بلوچستان کے علاقے گوادر میں سیکورٹی فورسز نے سات مشتبہ دہشت گردوں کو گرفتار کرلیا۔
ڈان نیوز کے مطابق ایف سی ترجمان نے بتایا کہ فورسز نے گوادر کے علاقے شادی کور میں کوسٹل ہائی وے پر ایک مکان پر چھاپہ مارا اور وہاں سے سات مشتبہ دہشت گردوں کو گرفتار کیا۔
سیکوریٹی فورسز نے کاررائی کے دوران اسلحہ و گولہ بارود بھی برآمد کرلیا۔
ترجمان کے مطابق ملزمان سیکوریٹی فورسز اور شہریوں پر حملوں میں ملوث تھے جبکہ ان سے تفتیش کی جارہی ہے۔
ایف سی کے دعویٰ کی آزاد ذرائع سے تصدیق نہیں ہوسکی تاہم عسکریت پسند اس علاقے میں سیکورٹی فورسز اور قومی تنصیبات پر حملے کرتے رہے ہیں۔
لائیو ٹی وی