کراچی اسٹاک مارکیٹ میں نیا ریکارڈ قائم
کراچی اسٹاک ایکس چینج میں تیزی کے نئے ریکارڈ بننے کا سلسلہ جاری ہے اور ہنڈریڈ انڈیکس 32 ہزار پوائنٹس کی ریکارڈ سطح عبور کرگیا ہے۔
نمائندہ ڈان نیوز کے مطابق منگل کو ہنڈریڈ انڈیکس میں 304 پوائنٹس کا اضافہ ریکارڈ کیا گیا اورانڈیکس 32 ہزار پوائنٹس کی ریکارڈ سطح عبورکرتا ہوا 32 ہزار چھ پوائنٹس پر بند ہوا۔
کراچی اسٹاک ایکسچینج میں اس ہفتے مسلسل تیزی کے نئے ریکارڈ بن رہے ہیں اور بیرونی سرمایہ کاروں کی خریداری مارکیٹ کو اوپر کی طرف لے جارہی ہے۔
آج کراچی اسٹاک مارکیٹ میں تقریباً 31 کروڑ شیئرز کا کاروبار ہوا جبکہ سیمنٹ، فرٹیلائزراور ٹیکسٹائل اسٹاکس میں سرمایہ کار زیادہ سرگرم نظرآئے۔
لائیو ٹی وی