خضدار، حیدر آباد میں حادثے، 6 افراد ہلاک
حیدر آباد: سندھ اور بلوچستان میں ہفتہ کو دو ٹریفک حادثات میں چھ افراد ہلاک جبکہ 39 زخمی ہو گئے۔
بلوچستان میں ضلع خضدار کے قریب پیر عمر میں مسافر کوچ الٹنے سے چار مسافر ہلاک جبکہ 24 زخمی ہو گئے۔
بتایا جاتا ہے کہ کوچ کراچی سے کوئٹہ جا رہی تھی جب وہ پیر عمر میں تیز رفتاری کی وجہ سے الٹ گئی۔
حادثہ میں زخمی ہونے والوں کو خضدار کے سول اسپتال منتقل کر دیا گیا۔
دوسری جانب، حیدرآباد کے قریب باراتیوں کی سوزوکی وین حادثے کا شکار ہوگئی، جس کے نتیجے میں خاتون سمیت دو افراد ہلاک اور پندرہ زخمی ہوگئے۔
حادثہ راہوکی کےقریب تیز رفتاری کے باعث پیش آیا، جس کی وجہ سے خواتین اور بچوں سمیت 17افراد زخمی ہوئے۔
زخمیوں کو فوری طور پر اسپتال منتقل کیا گیا جہاں دو افراد زخموں کی تاب نہ لا سکے۔
بدقسمت گاڑی ٹنڈوالہ یار سے حیدرآباد آرہی تھی۔
لائیو ٹی وی