خوبصورت ناخن بتائیں آپ کی صحت کا حال
لمبے، صحت مند اور مضبوط ناخنوں کی خواہش کس خاتون کو نہیں ہوتی؟ تاہم اس کو عملی شکل دینے کے لیے ناخنوں کی نگہداشت کو معمول بنانا پڑتا ہے تاکہ وہ اچھی حالت میں رہیں۔
ناخنوں پر رنگ کا زیادہ استعمال ان کے لیے نقصان دہ ہوتا ہے جبکہ ان کی کٹائی کو معمول بنانا اور صاف رکھنا بھی ضروری ہوتا ہے، مگر ایک اہم بات یہ ہے کہ ناخنوں کے ذریعے مجموعی صحت کی عکاسی بھی ممکن ہوتی ہے۔
ایسے ہی چند مسائل کے بارے میں جانیں، اسے نظر انداز نہ کریں اور اپنے ناخنوں کو صحت مند رکھیں۔
سرخ یا خارش زدہ جلد
 |
اگر آپ ناخنوں کے ارگرد جلد کو سرخ یا خارش زدہ محسوس کریں تو یہ ناخن میں انفیکشن کی ایک علامت ہوسکتی ہے، اس کے لیے یا تو ڈاکٹر سے رجوع کریں یا اینٹی فنگل کریم یا پاﺅڈر استعمال کریں۔
زرد ناخن
 |
زرد ناخن نظام تنفس کے امراض کی نشاندہی کی علامت بھی ہوسکتے ہیں جبکہ ان سے اس بات کی بھی عکاسی ہوتی ہے کہ آپ خون کی کمی کے مرض کا شکار ہیں یا ہو سکتے ہیں۔
گہرے ناخن
 |
کبھی بھی ناخنوں کو اس وقت نظر انداز نہ کریں جب ان کا رنگ گہرا یا سیاہ ہوجائے کیونکہ یہ خطرناک رسولی کی علامت بھی ہوسکتی ہے۔
داغی ناخن
 |
چھوٹے کریکس اور داغ ناخنوں میں اس وقت نمودار ہوتے ہیں جب آپ خارش یا چنبل کا شکار ہونے والے ہوں، یہ ایسا مرض ہے جس میں جسم میں جگہ جگہ سرخ رنگ کے چھلکے نما دانے ہو جاتے ہیں جن میں شدید خارش ہوتی ہے۔
سفید لکیریں
 |
ناخنوں میں سفید لکیروں کی موجودگی گردوں کے امراض اور کیلشئیم کی کمی کا عندیہ بھی ثابت ہوسکتے ہیں۔
نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔
لائیو ٹی وی