الطاف حسین کا بھی ٹیکنو کریٹ حکومت بنانے کا مطالبہ
کراچی: متحدہ قومی موومنٹ(ایم کیو ایم) کے قائد الطاف حسین نے بھی ٹیکنوکریٹ حکومت بنانے کا مطالبہ کر دیا ہے۔
الطاف حسین نے قومی حکومت بنانے کا مطالبہ کرتے ہوئے کہا ہے کہ آئینی طریقہ ہے تو ٹھیک ہے ورنہ غیرآئینی طریقہ بھی استعمال کیا جا سکتا ہے۔
ایک نجی ٹی وہ چینل کو انٹرویو میں ایم کیو ایم کے قائد کا کہنا تھا کہ تمام کور کمانڈرز اب مزید دیر نہ کریں، ملک بچانے کے لیے فوج آگے آئے۔
الطاف حسین نے مزید کہا کہ قومی اسمبلی کے فلور پر مسلح افواج کی ساکھ مجروح کی گئی، فوج آئین میں رہتے ہوئے اپنی رٹ بحال کرے، مارشل لاء کے نفاذ کا سخت خلاف ہوں۔
ملکی سیاسی صورتحال پر ان کا کہنا تھا کہ وزیر اعظم ہوتا تو آئی ایس پی آر کے بیان پر رضاکارانہ طور پر استعفیٰ دے دیتا۔
انہوں نے بتایا کہ آرٹیکل6 کا اطلاق غیر جمہوری طریقے سے کیا جا رہا ہے، آئین کے آرٹیکل6 کے تحت ہی جنرل (ر) پرویز مشرف پر مقدمہ چلایا جا رہا ہے
آپریشن ضرب عضب پر الطاف حسین نے کہا کہ فوج سرحدوں کے دفاع میں مصروف ہے، شمالی وزیرستان میں تاریخ کی بدترین جنگ لڑی جارہی ہے۔
انہوں نے انٹرویو میں مزید بتایا کہ ملک بچانے کے لیے کڑوے اور ناپسندیدہ اقدامات بھی کرنے پڑیں تو یہ اقدامات کیے جانے چاہیے۔
لائیو ٹی وی
تبصرے (1) بند ہیں