حکومت اپنی آئینی مدت پوری کرے گی، سراج الحق
چکدرا: جماعتِ اسلامی کے امیر سراج الحق نے کہا ہے کہ حکمران جماعت پاکستان مسلم لیگ نون اپنی آئینی مدد مکمل کرے گی۔
تاہم ان کا یہ بھی کہنا تھا کہ ان کی جماعت کسی بھی ایسے اقدام کی حمایت نہیں کرے گی جو غیر قانونی ہوگا۔
اپنی آبائی ضلع چکدرا میں جماعتِ اسلامی کے حامیوں اور کارکنوں سے خطاب کے بعد میڈیا سے بات چیت کرتے ہوئے ان کا کہنا تھا کہ مسلم لیگ نون کو ایک جمہوری عمل کے ذریعے پانچ سالہ مینڈیٹ ملا ہے اور کسی بھی غیر آئینی اقدام سے جمہوریت کو نقصان پہنچنے کا اندیشہ ہے جس کا ملک اس وقت متحمل نہیں ہوسکتا۔
انہوں نے کہا کہ جماعتِ اسلامی چاہتی ہے کہ وفاقی اور صوبائی حکومتیں اپنی آئینی مدت کو مکمل کریں اور اس مقصد کے لیے تمام سیاسی جماعتوں کو مل کر کام کرنے کے لیے متحد ہونا پڑے گا۔
لائیو ٹی وی