بولی وڈ کی ڈمپل کوئین پریتی زنٹا و کنگز الیون پنجاب کی مالکن نے سابق بوائے فرینڈ نیس واڈیا پر ہراساں کرنے کا الزام عائد کر دیا ہے۔

ہندوستانی میڈیا کے مطابق، اداکار نے اپنے سابق بوائے فرینڈ اور کنگز الیون پنجاب کے شریک مالک کے خلاف عدالت میں درخواست دائر کر دی۔

جس میں پریتی نے موقف اختیار کیا ہے کہ واڈیا نے 30 مئی کو وانکھیڈے اسٹیڈیم میں انھیں ہراساں کرنے کے علاوہ ڈرایا، دھمکایا اور گالیاں بھی دیں۔

انہوں نے پولیس کے سامنے اپنی شکایات میں کہا ہے کہ واڈیا سے رشتہ ٹوٹنے کے بعد بھی وہ انھیں پریشان کر رہے ہیں۔

ان الزامات کے جواب میں نیس واڈیا کا کہنا ہے کہ پریتی زنٹا کے الزامات بے بنیاد ہیں اور ان الزامات سے انہیں شدید ذہنی صدمہ پہنچا ہے۔

یہ واقعہ 30 مئی 2014 کو چنئی سپر کنگز اور کنگز الیون پنجاب کے درمیان ہونے والے ایک میچ کے دوران پیش آیا تھا۔

واضح رہے کہ 44 سالہ نیس واڈیا پریتی زنٹا کے ساتھ آئی پی ایل کی ٹیم کنگز الیون پنجاب کے مشترکہ مالک ہیں اور دونوں کو ایک عرصے تک انتہائی قریبی دوستوں کے طور پر دیکھا جاتا تھا۔

بشکریہ ٹائمز آف انڈیا