ڈیرہ غازی خان میں حادثہ، چھ افراد ہلاک
ڈیرہ غازی خان: پنجاب میں ڈیرہ غازی خان میں انڈس ہائی وے پر کوچ اور ٹرالر کے درمیان تصادم سے کم از کم چھ افراد ہلاک اور 25 زخمی ہو گئے۔
تفصیلات کے مطابق تونسہ کے مقام سے آنے والے کوچ ڈیرہ غازی خان میں صدر بین کے مقام پر گاجر والی پل پر ٹرالر سے ٹکرا گئی جس کے نتیجے میں کم از کم 6 افراد ہلاک ہو گئے۔
ریسکیو ذرائع کے مطابق حادثہ تیز رفتاری کے باعث پیش آیا جس میں 25 افراد زخمی بھی ہوئے جن میں سے 10 کی حالت نازک ہے۔
ذرائع نے مزید بتایا کہ زخمیوں کو ڈی جی خان ہسپتال منتقل کردیا گیا ہے جبکہ شدید زخمیوں کو متان کے نشتر ہسپتال منتقل کیا جا رہا ہے۔
مدثر لاشاری کی اضافی رپورٹنگ کے ساتھ
لائیو ٹی وی